Davao de Oro, nagpadala ng tulong para sa mga survivor ng bagyong Odette

Davao de Oro – Pinangunahan ni Gobernador Jayvee “Tyron” L. Uy ang send-off ceremony na ginanap kahapon, Disyembre 22, 2021 para sa mga pangkat na ipapadala ng PLGU-Davao de Oro sa mga apektadong lugar ng Surigao del Norte, Siargao Islands at Dinagat Islands.

Visit RPN DXKT Davao

Nagpadala ang PLGU-Davao de Oro ng mga relief goods kagaya ng pagkain, tubig, hygiene kits at used clothes para sa mga survivor ng Bagyong Odette.

Ayon kay Gov. Uy, ang pagtulong sa mga nangangailangan ang tunay na diwa ng kapaskuhan. Inalala rin ng gobernador ang tulong na natanggap ng Davao de Oro nang tinamaan ang lalawigan ng Bagyong Pablo noong Disyembre 4, 2012 at kung bakit tayo obligado na tumulong din sa ibang nangangailangan.

(Source: Provincial Government of Davao de Oro)