Cebu City – Seguro nang maka paabot og usbaw sa suweldo ang mga nars nga nag-alagad ubos sa kagamhan ang probinsiyal.
Kini tungod kay sa uwahi nilang sesyon, gi `aprobahan sa hunta probinsiyal sa ikatulo ug kataposang pagbasa ang ordinansa nga naglatid sa umento sa suholan sa mga nars.
Base sa ordinansa, ang mga entry-level nurses nga nagdawat og Salary Grade 11 nga suweldo nga ₱ 22,316 mahimo nang Salary Grade 15 nga ₱ 32,053 nga nagpasabot og kapin sa ₱ 10,000 ng ausbaw sa unang suholan.
Tinguha usab sa ordinansa nga ma- modify ang plantilla positions sa mga nurses.
Ang Nurse 2 mahimo nang Nurse 1 ubos sa Salary Grade 15; Nurse 3 ngadto sa Nurse 2 ubos sa Salary Grade 17; Nurse 4 ngadto sa Nurse 3 ubos sa Salary Grade 19; ug Nurse 5 ngadto sa Nurse 4 ubos sa Salary Grade 20.
Segun sa ordinansa, apil sa makadawat sa umento ang tanang nars nga nagserbisyo sa Provincial Health Office, Provincial ug District Hospitals ug sa Provincial Detention and Rehabilitation Center, ma-regular o ma-contractual man.
Si Bokal Glenn Anthony Soco nga maoy nangamahan sa ordinansa miingon nga ang pagpakatap sa mga nars sa nagkadaiyang public health care institutions mahinungdanon kaayo sa mga masakiton ilabi na ning panahon sa pandemic. (Jhon Tadlip/ JTY)
(Source & Photo: Cebu Provincial Government)
