Mangrugi iti daytoy nga aldaw ket mailadladawen ti Curfew Hours manipud alas dies ti rabii inggana alas singko ti bigat agbalinen nga alas onse ti rabii inggana alas kuatro ti parbangon.
Maibasar ti Executive Order no Gobernador Matthew Marcos Manotoc ket mailadladaw ti Curfew tapno nawaywaya dagiti umili nga aggatang iti masapsapul da iti rabii ken saan da nga agdudupudop iti aldaw.
Inkiddaw met ni Manotoc iti Transport Sector iti panangiladladaw da ti operasyon da tapno adda met laeng pagluganan dagiti marabiyan iti langalang.
Iti agdama ket bumabbaban ti bilang dagiti agsagsagaba iti COVID-19 iti probinsya isut gapu na alimmukay metten ti Curfew ditoy probinsya. (OIC Rod Sadian, RPN DZRL Batac)
(Source: Provincial Government of Ilocos Norte)
