Cebu City – Patay ang usa ka giingong kumander sa mga rebelde nga nagtago-tago sa bukirang barangay sa dakbayan sa Sugbo dihang gikaengkuwentro sa mga awtoridad sa miaging gabii.
Segun sa pasiunang report sa RID o Regional Intelligence Division sa Police Regional Office o PRO 7, ang ilang napatay nailhang si Dennis Rodinas nga lider sa NPA o New People’s Army nga naglihok sa Davao del Norte.
Matod sa RID, ilang napatay si Rondinas dihang paingon na unta kining molighot.
Ang mga sakop sa RID ug mga personnel sa CentCom o Central Command paingon untang mo-serve sawarrant of arrest batok ni Rodinas apan nakigpinusilay hinuon samtang misuway pag-ikyas.
Giisyohanog warrant si Rodinas sa kasong abduction, murder, ug attempted murder nga iyang giatubang.
Nag-ingon ang RID nga usa ka buwan nang nagtago-tago si Rodnas sa brgy.Pung-ol ug nangangkong mulupyo sa Consolacion, northern Cebu.
Midugang ang kapolisan nga nagpadayon pa ang ilang follow-up investigation sa pagsuta giunsa pagsud ni Rodinas sa Cebu ug kinsay iyang local contacts. (Jhon Tadlip/JTY, photo courtesy of Central Command)
(Source: Police Regional Office – 7)