Isa ka delegasyon gikan sa Civil Service Commission Caraga mainitong gidawat sa City Government sa Surigao kagahapong adlawa, Marso 13, 2024.
Gipangunahan ni Director IV Winston L. Plaza, Director II Allan B. Besario, ug Chief HRS Abigail M. Tiu, an pagbisita ug gitumong sa pagpalambo sa kolaborasyon ug pagbinayloay ug mga storya sa pinakaulahing mga kalamboan suyod sa Civil Service Commission.
Atol sa ilang pagbisita, gihimo an makahuluganong mga diskusyon tali sa delegasyon ug mga mahinungdanong opisyal sa dakbayan, lakip na si City Legal Officer Atty. Lex Joshua Andrew Silvosa, City Budget Officer Atty. Jeffrey Galido, PLEB Officer Atty. Neil Sam Basco, ug HRMDO Officer Hairee Cel S. Pedimonte. An gitutokan amo an pagpalig-on sa mga relasyon ug pagpalambo sa kahusayan sa mga operasyon sa Civil Service suyod sa siyudad.
Sa isa ka proactive na lakang, isa ka imbitasyon an gipaabot sa delegasyon sa Mayor sa siyudad ug iban pang mga opisyal sa pag-apil sa isa ka sesyon sa pagbansay sa 2024 HR DASHBOARD ug HR Management sa Lokal nga Gobyerno, na gikatakda sa Abril 17-18, 2024, sa General Luna, Siargao.
Dugang pa, an bag-o na mga update sa insurance sa CSC gipaambit, lakip an paghatag ug preperensya na rating sa mga job order, kaswal, contract of service, ug mga empleyado sa unang lebel na nakaserbisyo sa gobyerno labing menos 10 ka tuig. (Mark James Lisondra)
(Source: Surigao City PIO Facebook Page)