Cebu City – Gipahibaw sa pamilyang Labella ang dakong kasub-anan sa kamatayon ni Cebu City Mayor Edgar Colina Labella; Human sa pakigbatok sa iyang sakit sa milabayng pipila ka buwan, mitaliwan kini alas 4 sa kadlawon, Biyernes, Nobembre 19, 2021.
Si Jaype Labella ang anak ni Mayor Labella maoy mipadangat sa maong kasayuran sa presscon pasado alas 8 buntag, sa samang adlaw.
“Mayor Labella, who served the city untiringly at the height of the pandemic until conditions improved, lost the battle he waged. He had initially been managing his illness well when the lockdowns compromised his situation. His immediate cause of death was septic shock secondary to pneumonia,” kabahin sa pamahayag sa pamilya.
Pipila ka mga kaubanang opisyal ug higala mipa-abot sa ilang mga pahasubo sa pamilyang Labella, lakip na ang mga local chief executives sa tri-cities.
Si Acting Cebu City Mayor Michael Rama, kinsa maoy mahimong mayor pinaagi sa succession, mitunol sa iyang pahasubo.
“I am deeply saddened by the passing of my partner and dear friend, Edgar Labella,” mensahi ni Rama.
“Our partnership was formed in 2012, when he became my vice mayor & our friendship is one that has lasted since the 90s. We have had many great years together in the public service. I could not have asked for a better partner,”saysay sa incoming mayor sa ilang panaghigalaay ni Mayor Labella.
Mipa-ambit sab sa iyang pahasubo si Lapu-Lapu City Mayor Junard Chan.
“Masulob-on nga kabuntagon ang misugat sa akong pagmata tungod sa balita nga gikompirma sa usa ka konsehal sa Sugbo nga mao ang pagtaliwan ni Cebu City Mayor Edgar Labella. Siguro ako nga nagbangutan ang mga Sugboanon karon lakip na ang iyang mga pamilya ug kahigalaan pero siguro ko nga nagmalipayon sa siya sa kiliran sa atong Labawng Makagagahom,” mensahi ni Chan.
Nakapadangat sab si Mandaue City Mayor Jonas Cortes sa iyang mensahi.
“Mayor Ed, may the almighty God embrace you and guide you into his kingdom. Salamat sa imong serbisyo sa katawhan ilabi na sa dakbayan sa Sugbo. Your death is a great loss to the city but we know that your legacy will live on,” mensahi ni Cortes.
Karong buntag gibutang na sa half-mast ang bandila diha sa Cebu City Hall ug sa mga kabarangayan.
(News & photo courtesy of Cebu City PIO | Labella Family via Jaype Labella)
