Gipahibalo sa National Grid Corporation of the Philippines o NGCP nga magpatuman og Red Alert sa Visayas Grid gikan alas-6 sa gabii hangtod alas-9 sa gabii karong September 13, 2026.
Adunay Yellow Alert gikan alas-5 hangtod alas-6 sa gabii, ug alas-9 hangtod alas-11 sa gabii. Sa alas-8 sa buntag, ang available power capacity anaa sa 2,158 megawatts, samtang ang peak demand o panginahanglan sa kuryente mokabat sa 2,292 megawatts.
Matud sa NGCP, naapektuhan ang power supply tungod sa pagkadili-operational sa dagkong coal plants nga TVI 1, TVI 2 ug PEDC 3, ingon man ang limitado nga power import gikan sa Mindanao Grid. Aduna usab 14 ka power plants nga nag-operate sa mas ubos nga kapasidad.
Ang Red Alert ipagawas kung kulang ang suplay sa kuryente aron matubag ang panginahanglan sa mga konsumante ug kinahanglanon sa transmission grid. Samtang ang Yellow Alert nagpasabot nga kulang ang reserve o operating margin para sa posibleng contingency sa grid.
📸 NGCP
I via Renante Socia Lada