Gipadayon sa Environmental Management Bureau Region VII (EMB-7) ang hugot nga pagmonitor sa kalidad sa hangin sa tibuok rehiyon tungod sa gitaho nga haze o abog sa hangin.
Sa alas-5:00 sa buntag, ang Metro Cebu nakarekord og Air Quality Index o AQI nga 111, nga giklasipikar nga “unhealthy for sensitive groups.” Nagpasabot kini nga ang mga sensitibong grupo mahimong maapektuhan sa dili maayong kalidad sa hangin.
Samtang sa Toledo City, mas maayo ang kahimtang sa hangin diin nakarekord og AQI nga 28 ug giklasipikar nga “good.”
Gidasig sa EMB-7 ang publiko nga kanunay mosubay sa opisyal nga air quality updates ug advisories, ilabina samtang padayon ang pagmonitor sa haze sa rehiyon.
📸 EMB-7
I via Renante Socia Lada