Nagpadayon ang Cebu City Mobile Force Company (CMFC) sa pagtabang sa mga batang nanginahanglan og suporta sa ilang pag-eskwela pinaagi sa Project H.O.P.E. o “Helping Outstanding Pupil Educationally.”
Alas-9:10 sa buntag kagahapong adlawa Septiyembre 12, 2026, miadto ang mga personnel sa CMFC sa Sitio Upper Udlom, Barangay Taptap, Cebu City, uban sa ilang stakeholder, aron ipadayon ang matag-bulan nga educational assistance sa mga benepisyaryo sa programa.
Usa ka Grade 5 pupil sa Taptap Integrated School ang nakadawat og bag-ong pares sa sapatos nga gamiton sa iyang Physical Education uniform. Gipulihan niini ang daan ug naguba na niyang sapatos.
Matud sa CMFC, kabahin kini sa ilang paningkamot nga matabangan ang mga bata sa ilang mga panginahanglanon sa eskwelahan aron mas komportable ug masaligon sila sa pag-eskwela.
Ang Project H.O.P.E. usa sa mga programa sa CMFC nga nagtumong sa pagpalig-on sa relasyon tali sa kapulisan ug komunidad pinaagi sa padayon nga pagtabang sa mga bata ug pagsuporta sa edukasyon.
📸 CCPO
I via Renante Socia Lada