Wala ka saulog sa World Teachers’ Day karong adlawa ang usa ka magtutudlo human na dasmagan ang ilang gisakyan nga motor.
Pasado alas 5:45 kagahapon sa hapon, Oktobre 4, 2022, didto kini nahitabo sa National Highway, Barangay Tunghaan, Lungsod sa Minglanilla, Probinsya sa Sugbo.
Ang magtutudlo nga nakalas giila nga si Charisma Servado, Maestra sa Minglanilla Central School.
Giila ang naangol nga bana nga si Sherwin Servado,45 anyos ang pangidaron.
Sa nasayran gikan sa Minglanilla Traffic Command ( MiTCOM) nga ang bana maoy nagmaniho sa Click nga motor og angkas niya ang iyang asawa.
Sa pag abot na nila sa naasoy nga lugar kalit silang gi dasmagan sa Rusi 125 nga ni resulta sa pagka lagpot ni Servado og nahampak ang ulo sa karsada na maoy hinungdan sa iyang hinalaling kamatayon.
Puros sila gidala sa tambalanan apan nabugtuan gyud sa kinabuhi ang maestra nga magsaulog unta sa World Teachers’ Day karong adlawa.
Ang kapulisan sa Minglanilla padayon pa nga nag imbestigar sa maong aksidenti ug nangita pa usab sila og mga CCTV footage sa area aron pag ila sa nidasmag nga daling nisibat human sa maong panghitabo.
Photo credit: MiTCOM
via Renante Lada