Gipakusgan sa Provincial Veterinary Office o PVO ang surveillance ug containment measures human makumpirmar ang tulo ka kaso sa African Swine Fever o ASF sa Ginatilan niadtong Septiyembre 18.
Gidid-an ang pagpasulod ug pagpagawas sa buhing baboy ug pork products sa duha ka barangay nga naapektuhan. Gipahimutang usab ang quarantine ug checkpoints aron mapugngan ang pagkaylap sa virus.
Nakolekta na sa PVO ang kapin 2,101 ka blood samples gikan sa hog farms sa 25 ka LGU. Sa 19 ka LGU nga adunay resulta, negatibo ang tanan sa ASF, samtang naghulat pa sa resulta ang ubang lugar.
Padayon ang disinfection, biosecurity ug imbestigasyon aron mahibal-an ang gigikanan sa virus. Nakigtambayayong usab ang provincial government sa Department of Agriculture ug mga LGU, lakip ang pag-andam og posible nga ayuda alang sa mga hog raiser nga maapektuhan.
I via Renante Socia Lada