Cebu City- Human sa hataas nga katuigan nga legal battle pag recover sa 80-hektaryas nga military reservation sa Barangay Apas, Syudad sa Sugbo, naka angkon na ug kadaugan, bisan kon partial lang, ang Cebu Provincial Government tali sa Armed Forces of the Philippines Central Command, kinsa pormal nang mi uli sa transfer certificates ug titles (TCTs) sa 16 ka parcel sa luna ngadto sa Kapitolyo..
Sa formal nga ceremony nga gipahigayon sa Capitol Social Hall niadtong Lunes, Oktubre 3, 2022,si Department of National Defense (DND) Interim Secretary Jose Faustino, Jr. ni turn over ngadto kang Governor Gwendolyn Garcia sa TCT’s sa 16 ka luna nga naglangkob sa 17.7 hektaryas.
Ang nahisgutang luna kabahin kini sa 47 ka parcel sa yuta nga dunay kinatibuk-ang area nga 80 hektaryas nga gi donate sa provincial government ngadto sa military niadtong tuig 1959 pinaagi ni kanhi Governor Jose Briones.
Sayo niini, sila si Faustino ug Garcia uban ni AFP Chief of Staff Lt. Gen. Bartolome Vicente Bacarro mi pirma ug deed of conveyance sa mga properties ngadto sa Kapitolyo.
“I have been working for this not for my own personal benefit. I have been working, and working, and working, that we recover these lots and the entire 80 hectarres because this is what Cebuanos deserve,” matod ni Garcia.
Ang Kapitolyo mi revoked sa deed of donation nga gihimo sa kanhi governador anhing Briones gumikan sa kalapasan sa usa sa mga kondisyon nga gilatid sa donor-pag gamit sa property alang lang sa military purposes.
Na diskobrehan ni Garcia nga 14 ka parcela lang gikan sa kinatibuk-ang 47 ka parcela nga gi donate ang gigamit sa military; daghan ang mga areas ang gigamit alang sa houseing sa military personnel ug ubang uban gipuy-an sa mga informal settlers.
Atol sa unang termino ni Garcia pagka gobernador, mi file kini ug ejectment batok sa AFP Central Command pag recover sa property; niadtong tuig 2017, mipirma ang gobernador ug memorandum of understanding tali ni kanhi DND Secretary Gilberto Teodoro Jr. ug nga nagkanayon nga ang initial 16 ka luna i turn over ngadto sa probinsya, provided nga ang Kapitolyo mohatag ug pondo alang sa relocaton sa military camp ngadto sa laing location sa Northern Cebu.
Ang Centcom sa ilang bahin, wala mo uyon sa pipila ka mga terms sa MOU ug midangop sa korte. Midagan ang kaso ug pipila ka katuigan hangtud nga ang Korte Suprema mi desisyon niadtong tuig 2019 pabor sa Kapitolyo.
“Finally, because I was able to speak to Pres. (Ferdinand) Marcos (Jr.) as regards this issue, finally we are seeing the light of a long and arduous, dark tunnel,” mensahi ni Garcia.
Misaad si Garcia pag replicate ug military facilities sa Centcom didto sa northern Cebu.
Sa pagka karon , wala pay nakit-an nga lugar diin ibalhin ang Centcom, pero sa higayon nga ma kompleto na ang relocation, ma recover na sa Kapitolyo ang nahibilin nga 31 ka parcela sa luna.
Gihulagway ni Faustino ang offer sa Kapitolyo pag replicate sa military facility nga “win-win solution” sa Centom ug sa Probinsya sa Sugbo.
“Our eagerness to work with the provincial government is founded not only on respect, or for the rule of law, or compliance with the decision of the Supreme Court, but also on our fervent desire to cultivate the solid relationship for the benefit of everyone,” pasabot ni Faustino.
Gipasalig sa mga military officials nga dili mapakgang ang ilang mga operations atol sa transition.
via Jhon Tadlip
Source/Photo: Cebu Provincial Government
