Nagpadayon ang Cebu City Police Office (CCPO) sa pagpahugot sa police deployment sa mga eskwelahan sa Cebu City aron masiguro ang kaluwasan sa mga estudyante, magtutudlo ug uban pang personnel sa mga eskwelahan.
Sa kinatibuk-an, 184 ka eskwelahan ang gitabangan sa police deployment, diin 93 niini mga pampublikong eskwelahan ug 91 pribadong eskwelahan. Mokabat usab sa 268 ka PNP personnel ang gipakatap aron mapalambo ang police visibility ug seguridad sulod ug palibot sa mga eskwelahan.
Matod sa CCPO, ang padayong presensya sa mga pulis makatabang sa pagpugong sa posibleng mga hulga ug pagmintinar sa kalinaw ug kahapsay sa mga school community.
Sumala ni Acting City Director PCOL Ricky C. Sumalde, magpadayon ang CCPO sa estratehikong police deployment aron masiguro nga luwas ug hapsay ang learning environment alang sa mga estudyante, magtutudlo ug school personnel.
I via Renante Socia Lada