Cebu City – Gibutyag sa kapolisan sa Syudad sa Sugbo nga hapsay ra ug way problema sa seguridad atol sa kataposang adlaw sa withdrawal ug substitution sa mga kandidato sa Syudad sa Sugbo, Lunes, Nobembre 15, 2021.
Nianang pagka alas 6 sa gabii sa Lunes, way dagkong problema nga na recorded ang kapolisan tungod kay duha lang ka mga kandidato ang mi withdraw sa ilang gidaganan ug usa ang nipuli sa partikular nga position.
Matod ni Police Major Edgar Labe, hepe sa Waterfront Police Station nga wala mo request ang taga Commission on Elections ug police assistance sa area.
Hinoon, mimando gihapon si Labe ug duha ka polis gikan sa iyang station aron mo patrolya sa concerned area gikan sa sayo sa buntag hangtud na sa pagka hapon.
Miduso sa ilang statement of withdrawal si Michael Granda Mantanoza, kinsa miatras sa iyang COC sa pagka mayor sa Syudad sa Sugbo.
Mi-atras sab si San Nicolas Barangay Captain Clifford Jude Ninal isip kandidato sa pagka konsehal sa Cebu City South District.
Mihulip kang Ninal si Jose Lorenzo Abellanosa, anak ni South District Representative Rodrigo “Bebot” Abellanosa.
Ning nagsingabot nga election, si Police Lieutenant Colonel Wilbert Parilla, deputy director for operations sa Cebu City mipahinumdum nga gidid-an ang tanang kapolisan sa pag like, comment, ug pag post ug bisan unsang campaign material online.
Sigon pa ni Parilla nga ila sab nga gi discourage ang kapolisan pagsalmot sa bisan unsang discussion kalabot sa ilang gisportahan diha sa social media.
Dugang sa opisyal nga kung mahibaw-an nila o maka dawat sila ug report labot sa pag-apil apil sa mga police sa bisan unsang election activity, ila kini imbestigahan ug pasakahan ug kasong administratibo.
(News & photo courtesy of Cebu City Comelec | Cebu City Police Office)
