Cebu City– Gisundan sa pipila ka mga Sugboanon ang kalamboan labot sa pag withdraw sa Certificate of Candidacy (COC) sa reelection ni Davao City Mayor Sara Duterte-Carpio.
Gipahibaw ni Sarah pinaagi sa iyang social media account ang iya nang mag atras sa iyang gitinguha nga pagpa reelect sa pagka mayor sa syudad sa Davao, Nobembre 9, 2021.
“Ngayong hapon wini-withdraw ko ang kandidatura sa pagka-Mayor ng Davao City. Si VM Baste ang papalit sa akin. Ito lamang po muna. Maraming salamat po,” mensahi ni Sara nga gi post sa iyang Facebook account.
Unang mi withdraw sa iyang kandidatura si Davao City Vice-Mayor Sebastian “Baste” Duterte.
“ I have filed my withdrawal as Vice-Mayor candidate of Davao City. I hereby nominate Atty. Melchor Quitain as my substitute. I am deeply grateful to the Dabawenyos for the support they have given me all this time,” official nga pamahayag ni Baste.
Subay niini, si Mayor Junard Chan sa Lapu-Lapu City mipadayag sa iyang kalipay sa iyang nabasahan nga mi-withdraw na sa iyang kandidatura pagka mayor sa Davao City si Sara.
“Paabot na lang gyud ko sa sunod nimo nga lakang. Kung unsa man kana…” mensahi ni Chan.
Sa pangutana sa DYKC News Team kung na klaro na ba nila ang plastada, pipila ka mga netizen mipaambit sa ilang panahon.
“Dugay ra oi alam na dis”, tubag sa netizen nga si Setiram Pildat.
Si JC Cuizon nagkanayon, “Nahibong ba ang tanan…?
Duwa sa mga MARO…”
“Di ikakurat”, Sobrang klaroha, dugay ra, paambit ni Cindy Marie Cuyos.
“Hibaw an nang pattern…”matod ni Di Pino.
Alang ni Efiel Ngujo, “Alam na.”
Si Ben Bags mipasupot sa iyang mensahi, “hagbay ra na..binalik salidaha…”
Kahinumduman nga si Presidente Rodrigo Duterte mi substitute kang sa laing kandidato sa pagpa Presidente, kinsa maoy unang mi file sa COC sa pagka presidente.
Ubos sa Comelec Laws, gitaglan hangtud sa Nobyembre 15, Lunes, ang gihatag nga substitution sa mga kandidato nga dunay partido.
(News & photo courtesy of Mayor Sara Duterte’s Facebook account)