Cebu City – Gitakdang moduso sa ilang complaint ang Cebu City Risk Reduction and Management Office ( CDRRMO) sa giingong overpricing sa pribadong ambulansya.
Gibutyag sa Administrative head sa CDRRMO ,Ramil Ayuman nga ang reklamante nga usa ka Randy Villarosa midangop sa ilang buhatan, adlawng Sabado, Nobyembre 7, 2020,
Si Villarosa misumbong ngadto sa opisina ni Ayuman kalambot sa giingong overpricing sa Rapid Ambulance Service.
Matod sa reklamante nga mi-abot ug 45 mil pesos ang ambulance service sa iyang brother-in-law gikan sa usa ka pribadong hospital sa Osmena Boulevard ngadto sa pampublikong tambalanan nga Vicente Sotto Memorial Medical Center (VSMMC) nga wala maka abot ug usa ka kilometro ang gilay-on.
Nahitabo kini niadtong November 3, 2020.
Basi sa pamahayag ni Villarosa ngadto sa CDRRMO nga way bakante nga ambulansya sa ERUF ug ubang ambulance services niadtong pag transfer nila.
Mi-uyon ang pamilya nga mokihi sa Rapid Ambulance Service aron mabalhin ang ilang pasyente sa distansya nga mo-abot ug usa ka kilometro ug dunay waiting time nga tulo ka oras.
Sa maong transaction naka bayad sila ug 45 mil pesos sa maong serbisyo.
Gibutyag sab ni Villarosa nga wala sila hatagi ug tukma nga resibo, kundi acknowledgement receipt lang ang ilang nadawat sa maong transaction.
Ang mosonod mao ang breakdown sa ilang nabayran:
- Ambulance service    –  ₱ 5,500 para sa actual transfer
- Special Care Plus     –  ₱ 550
- ISO                  –  ₱ 2,500
- Risk and Disinfection  –  ₱ 3,500
- CCU Plus             –  ₱ 950
- Oxygen              –  ₱ 3,000
Portable Transport
Mechanical:
- Ventilator      –  ₱ 7,000
- Operations     –  ₱ 8,500
- Infusion Pump  –  ₱ 4,500
Intensive Care
- Equipment      – ₱ 9,000
Wala masuta kon ang maong mga items nagamit ba tanan sa maong pasyente atol sa pag transfer. (Jhon Tadlip/JTY)
(Source & Photo : Cebu City Disaster Risk Reduction and Management Office)
