.Maluksaw ni Mayor Michael Marcos keon iti pannaka-uram ti pagtaengan ti pamlya Cadelinia ken Ventura iti Barangay Dibua-South iti siyudad ti Laoag.
Awan pulos ngamin ti nasalbar a kagamitan dagiti biktima. Personal a naimatangan ti mayor iti nasao nga uram idi laeng aldaw kalman. Kas pakpakauna , nangipaay ti mayor ti pinansyal tulong kadagiti biktima malaksid pay kadagiti immun-unan a tulong kas koma ti groceries ken food packs manipud iti City Social Welfare and Development Office.
Immapela pay ti mayor kadagiti umili nga addaan ti naayat a panag-puspuso iti panangtulongda koma kadagiti nagbalin a biktima ti uram. Ti pagyamyamanan ti mayor, awan met dagiti naireport a nadangran. Kadua pay ti mayor a napan nangkita kadagiti biktima ket ni konsehal handy lao. Iti pakpakauna nga imbestigasyon ti Bureau of Fire Protection, posible a nangrugi ti uram kadagiti nakapenpen a karton iti kusina. Basar met laeng kadagiti bumalay, sakbay ti uram, adda dagiti ubbing nga agsegsegged ket mabalin nga aksidente a nairamanda a naseggedan dagiti karton.
Alisto a nagramram ti apoy a nangdadael ti bungalow a balay. Manarimaan ti panangdeterminar ti BFP ti balor dagiti nadadael a sanikua.
(OIC Rodrigo G. Sadian, RPN DZRL Batac)
(Source: LGU Laoag City)
