Cebu City – Duna na lay 16.82 porsento of 79,782 ka mga customer sa Visayan Electric Company ang nawad-an sa ilang power supply atol sa paghasi sa bagyong Odette ang naghuwat nga mabalikan sa kurente ang ilang panimay o patigayon.
Kini human ang Visayas Electric mipasiga na sa 83.17 porsento o 394,400 sa ilang kinatibuk-ang 474,182 ka mga customer as of alas 12 sa hapon, Biyernes, Enero 21, 2022.
Ang reenergization efforts sa Visayas Electric misaka ug 3.55 percentage points pagka Biyernes gikan sa 79.62 percent (377,555) niadtong Hwebes, Enero 20.
Gisaad sa VECO nga ilang i restore ang power ngadto sa 100 porsento sa mga apektadong customer sa Enero 31 ning tuiga.
Ang maong power distributor nagsige ug repair sa mga poste ug linya sa kurente sukad sa unang adlaw human sa pagkusu kusu sa bagyong Odette nga nagbilin ug dakong danyos sa mga bahin sa central ug southern Cebu, Hwebes sa gabii niadtong Disyembre 16, 2021.
Usa sa mga contractor sa VECO, si Dodong Faelnar nga nahinabi sa DYKC Karambola Bisaya Program, mibutyag nga 24/7 ang ilang operation nga naglakip sa pagpabarug sa mga poste nga 90-feet ang gitas-on.
Misuporta sila nga ma-igo sa Veco ang target nga mapasiga tanan sa kataposan sa buwan sa Enero, apan matod niya nga kon dili man gani, at least gamay na lang ang dili makasiga nianang higayona.
Gani, mi apil ug deploy ug mga linemen ang ubang power distributors nga gawas sa Sugbo aron pagtabang sa Visayan Electric alang sa restoration efforts niini human sa maong super typhoon.
(Source: VECO)