- Advertisement -
Sayo gipukaw sa dako nga sunog ang mga residenti sa Sitio Abra, Barangay Alang-Alang, dakbayan sa Mandaue, ning adlaw nga Miyerkulis, Hunyo 28, 2023.
Pasado alas 5:02 sa buntag gisaka sa unang alarma ang sunog, pagka 5:11 gisaka na usab sa ikaduha nga alarma, na under control kini 6:02 ug na fire out 6:08.
Nagkadaiyang mga fire trucks ang ni respondi sa maong sunog nga nagagikan sa managlahing lugar lakip na usab ang mga fire volunteers.
Segon sa Mandaue City Fire Station nga adunay 20 ka mga balay ang naugdaw ug 6 niini ang nakan-an usab sa kayo.
Sa pasiunang inbestigasyon nagsugod ang sunog sa balay ni Roda Bacol nga daling nikuyanap sa silinganan na mga pinuy-anan.
Nikabat sa P495k ang danyos sa maong sunog sa maong lugar.
Gihimo pa usab ang dugang inbestigasyon kung unsay hinungdan sa sunog nga niugdaw sa mga kabalayan. Sa pagkakaron gipahiluna na sa kagamhanan sa dakbayan sa Mandaue ang mga na biktima sa maong sunog.
(Renante Lada, photo courtesy of Bantay Mandaue CDRRMO)
- Advertisement -
