Tuesday, June 25, 2024

Cagayan de Oro: Vaccination Rollout Angay Suportahan Sa Katawhan – Mayor Moreno

- Advertisement -

Padayong gihangyo ni Mayor Oscar S. Moreno ang katawhan nga suportahan ang COVID-19 vaccine rollout sa syudad aron hingpit nga makab-ot ang gitinguha nga ‘herd immunity’ karong umaabot nga Pasko.

Gihingusgan ni Mayor Moreno nga gawas nga malikayan ang ‘severe symptoms’ ug pagkamatay, dakong bahin sa pag-ubos sa positive cases sa COVID-19 kung mas daghan ang bakunado.

Visit RPN DXKO Cagayan de Oro

Buot ni Mayor Moreno nga mapaspasan ang pagpamakuna sa syudad aron makatabang sa vaccine rollout sa kasikbit nga mga lugar.

Samtang sa laing bahin giklaro ni Dr. Teodoro Yu Jr. sa City Health Office nga wala pa gitugot ang  ‘walk-in’ sa pagpamakuna sa pediatric age o 12-17 anyos.

Kinahanglan nga mag preregister online sa https://services.cagayandeoro.gov.ph:8087/vaccprereg/ ug maghulat sa text kung asa ug kanus-a ang schedule sa bakuna.

Sa general pediatric age group kung walay school ID, dawaton usab ang birth certificate, baptismal certificate ug barangay certification, sa pedia A3 o bata nga dunay comorbidity kinahanglan ang medical certificate.

Dili usab makabakunahan ang pediatric age group kung wala ang parents/guardian sa bata.

(Source: City Hall Public Briefing | Cagayan de Oro City Philippines Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -