27.2 C
Manila
Friday, March 29, 2024

Cagayan de Oro: Selebrasyon sa senior citizen month gisaulog na sa Misamis Oriental

- Advertisement -

Walay puas ang paghatag pagtagad sa kagamhanan sa Misamis Oriental sa liderato ni Governor Bambi Emano kung hisgutan ang suporta ug panginahanglanon sa mga Senior Citizens sa probinsya.

Visit RPN DXKO Cagayan de Oro

Subay sa selebrasyon sa Senior Citizen’s Month, ang buhatan sa Provincial Social Welfare and Development Office (PSWD) mipahigayon og pag-apod-apod ug klase-klaseng tabang ug ayuda ngadto sa mga Senior Citizens sa lalawigan.

Ang maong kalihokan gisugdan sa mga munisipyo sa Tagoloan ug Jasaan, kon asa ang mga miyembro sa Misamis Oriental Federation of Senior Citizens Association (MOFSCA) sa matag lungsod nakadawat ug ₱ 10,000.00 worth nga cash assistance, Hygiene Kits nga adunay sulod nga 5 ka mga kahon sa alcohol ug 50 ka mga kahon sa facemasks, 5 ka sako nga bugas ug 30 ka kahon sa gatas nga Adult Plus.

Gipasiugdahan usab sa PSWD ang awarding alang sa Model Filipino Family sa matag lungsod diin ang Grand winner nakadawat og ₱ 8,000.00 cash assistance ug Plaque of Recognition samtang ang uban nakadawat og ₱ 3,000 nga cash assistance, grocery pack ug Plaque of Recognition isip consolation price.

Nitambong sa mga kalihokan sila si Board Members Dexter Yasay, Boboy Sabal, Saysay Emano lakip na ang Sangguniang Panlalawigan Board Member candidate nga si Une Abejo, Jasaan Mayor Redentor Jardin ug MSWDO’s sa nasangpit nga mga lungsod. Anaa usab ang prisensya sa mga staff sa PSWD nga sila Ms. Lorena S. Babion, Focal Person sa Women and Family, Ms. Emlyn Calingin, Focal Person sa Senior Citizen Program sa PSWD ug si Ms. Jarmmie Rose Rive nga Information Officer sa PSWD.

Ang paghatag ug atensyon ug kahigayonan sa mga Senior Citizens sa tibook lalawigan usa lamang ka pagpamatood nga wala gipasagdan sa liderato ni Governor Bambi ang mga ginikanan ug gihatagan og bili ug importansya nga dili tungod kanila, dili mamahimong progresibo ang probinsya.

(Source: Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -