Mipailawom bag-ohay lang sa duha ka adlaw nga assessment ug planning workshop ang mga piniling miyembro sa Risk Communication Cluster sa Cagayan de Oro Covid-19 Emergency Operations Center diha sa Seda Hotel ning syudad.
Tumong sa duha ka adlaw nga kalihokan nga mabalik-lantaw ug mapalig-on pa ang risk communication and community engagement kon RCCE communication plan subay sa pakigbatok sa syudad kontra Covid-19
Kini gipasiugdahan sa ReachHealth-USAID ubos sa pagpangulo ni USAID technical officer Ryan Jopia, uban sa pag-abag sa Emergency Operations Center ubos ni EOC Manager Oliver Egypto ug Acting City Information Officer Myrna Dangcal.
Usa usab ka technical working group nga gipangulohan ni Spencer Palen sa City Information Office ang namugna aron maoy motutok sa pagpasiugda og mga kalihukan sa RiskCom, ilabina nga gipaubos na karon sa Alert Level 1 ang Cagayan de Oro taman karong Marso 15 ning tuig.
(Source: CIO | Cagayan de Oro City Philippines Facebook page)