Gipalig-on sa Police Regional Office 7 (PRO7) ang seguridad sa Central Visayas alang sa paghinumdom sa ika-54 nga anibersaryo sa deklarasyon sa Martial Law karong Septiyembre 21, 2026.
Gidugangan ang police visibility sa mga lugar nga kasagarang tigoman sa mga tawo, ilabi na sa mga lugar nga gilauman nga adunay mga kalihukan o rally.
Magtinabangay usab ang kapulisan sa mga lokal nga panggobyerno ug ubang ahensya aron masiguro ang malinawon ug hapsay nga pag-obserbar sa maong anibersaryo.
Matud sa PRO7, gitahod niini ang katungod sa mga Pilipino sa pagpadayag sa ilang mga opinyon ug baruganan basta kini himuon sa malinawon nga paagi. Gimandoan ang mga police personnel nga magpatuman sa maximum tolerance, motahod sa human rights ug mosunod sa balaod ug hustong pamaagi sa operasyon.
Gipahinumdoman usab ang publiko nga magmatngon ug i-report sa pinakaduol nga police station ang bisan unsang kadudahang kalihukan. Sa emerhensiya, mahimong motawag sa 911.
I via Renante Socia Lada