Nasikop sa buy-bust operation sa Barangay Cogon, Cordova, Cebu niadtong milavay nga adlaw ang usa ka 43-anyos nga lalaki nga giingong nalambigit sa ilegal nga drogas.
Nakuha sa kapulisan ang mokabat sa 4.90 gramos nga gituhuang shabu nga adunay kantidad nga ₱33,320, lakip ang usa ka sachet nga giingong napalit sa operasyon ug duha pa ka pakete.
Nasakmit usab ang .45 caliber nga pistola, usa ka magazine, duha ka bala, ug ang ₱500 nga buy-bust money.
Ang operasyon gipahigayon sa Station Drug Enforcement Unit sa Cordova Municipal Police Station, uban sa koordinasyon sa PDEA-7. Ang suspek anaa na sa kustodiya sa Cordova Police Station ug atubangon ang tukmang kaso ubos sa Republic Act 9165.
| via Renante Socia Lada