Bronze medal nasungkit ng PH sa men’s beach handball sa SEA Games

Nasungkit ng Pilipinas ang bronze medal sa men’s beach handball ngayong Miyerkules, ika-11 ng Disyembre.

Nakalaban ng Team Pilipinas ang Thailand sa score na 34-40.

Nanguna ang mga atletang Pilipino sa unang dalawang laro ngunit bigong maipanalo ang pinakahuli.

Para naman sa mga miyembro ng koponan, isang malaking karangalan ang nakuha nilang bronze medal.

Ang men’s beach handball ang huling sports event na lalahukan ng Pilipinas bago opisyal na magtapos ang 30th Southeast Asian (SEA) Games.