Bise-Mayor Sa Usa Ka Lungsod Sa MisOr Nagpositibo Sa Covid-19

Cagayan De Oro City – Dili angay kabalak-an ang kahimtang sa bise-mayor nga natakbuyan sa COVID-19 local transmission sa Barangay San Jose lungsod sa Talisayan sa Misamis Oriental. Kini tungod kay asintomatik ang 39 anyos nga opisyal bisan pa sa gihambin nga sakit.

Matud pa ni Leth Maestrado, information officer sa Talisayan-LGU nga maayo ang pagkaatiman sa pasyente samtang gilusad ang contact tracing sa mga ulahi nakahulubilo sa maong opisyal.

Nasayran nga mitambong pa sa vigil sa patay ang bise-mayor ayha nadudahan sa bayrus hinungdan nga tapos kini nakonpirmar nga nagpositibo, gi-lockdown gilayon ang porsyon sa ilang lugar. (Provincial Information Office)

(Photo courtesy by PIO)