Bawas singil sa kuryente at presyo ng petrolyo asahan ngayong buwan

Asahan ang bawas sa singil sa kuryente at presyo ng produktong petrolyo ngayong buwan.

Ayon kay Meralco Spokesperson Joe Zaldarriaga, maglalaro sa pagitan ng 15 at 20 sentimos ang maaaring maging bawas singil sa kuryente.

Ito na ang magiging limang sunod na buwan na bawas singil ng Meralco.

Samantala, makaaasa rin ng rollback sa presyo mula sa mga kumpaniya ng langis sa kanilang mga produktong petrolyo ngayong buwan.

Ito ay bunsod ng pagbaba ng halaga ng imported na gasolina sa pandaigdigang merkado gayundin ang diesel at kerosene.

Tinatayang nasa piso ang tapyas sa presyo ng kada litro ng gasolina at tig-50 sentimos naman ang sa presyo ng diesel at kerosene.