- Advertisement -
Dakkel a tulong kadagiti mannalon iti Probinsya nga Ilocos Norte ti solar power irrigation system ti DAR Ilocos Norte.
Kuna ni Engr. Vic Ines Provincial Agrarian Reform Project Officer ti DAR Ilocos Norte a ti SPIS ket proyekto a pannakaimontar dagiti solar operated water pumps tapno saan unay a marigatan dagiti mannalon nangnangruna ket nakanginnginan ti krudo ken gasoline.
Kaudian a nakaipaayan ti SPIS ket iti brgy. Nagpatayan Banna, Ilocos Norte no sadinno a lima nga ektarya ti kabaelan a pasayakan ti solar water pump iti nasao a barangay.
Mainaig iti daytoy nagyaman dagiti mannalon iti biang ti DAR iti daytoy a pagnam-ayan da gapu ta makam-enus da iti krudo ken gasoline a pagpadanum kadagiti mula da.
(Source: DAR, Ilocos Norte)
- Advertisement -
