Thursday, June 20, 2024

Batac: Siudad ti Batac, nalabsannan ti “herd immunity”

- Advertisement -

Mamati ni Mayor Albert Chua a nalabsanen ti siudad ti Batac ti kaadu dagiti rumbeng a mabakunaan ti kontra COVID-19 tapno magun-ud ti “herd immunity” a naiget a kalkalikaguman ni Gob. Matthew Marcos Manotoc.

Visit RPN DZRL Batac

Segun kenkuana, kaudian a naipadanon a “data” iti opisinana ket nasursuruken ngem tallopulo ket dua ribu dagiti “fully vaccinated” wenno naan-anayen a nabakunaan, nasursuruk pay ngem tallopulo ket dua ti “partially vaccinated” wenno nalpasen a nabakunaan iti umuna a “dose”.

Malaksid iti daytoy, inbunannag ti mayor a dandanin lima ribu ti nalpasen a nabakunaan ti “booster shot”.

Mainaig iti daytoy, imbatad ti mayor a no mainayon dagiti nabakunaan iti Mariano Marcos Mem. Hospital and Medical Center wenno MMMHMC ken ti Mariano Marcos State University wenno MMSU ket nalabsanen ti nasursuruk ngem uppat a pulo ket dua ribu a “fully vaccinated” tapno magun-ud ti siudad ti Batac ti “herd immunity”.

Impalgakna a basar iti pannakaammona iti agdama ket sumagmamano laengen dagiti saan pay a nabakunaan iti siudad ti Batac.

Nupay kasta, kunana nga agingga nga adda ti bakuna ket inaldaw latta nga adda ti maiyuswat a panagbakuna para iti “first dose”, “second dose” ken “booster shot”iti siudad ti Batac.

Siraragsak ti mayor a nangipakaammo nga adda ti gunguna nga ipapaay ti gobierno ti siudad ti Batac kadagiti agpabakuna a maminsan laeng a maited iti unos ti tallo a bakuna.

(Source: LGU Batac)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -