1,530,000 pesos amin iti pakabuklan ti inbunong no Governador Matthew Marcos MAnotoc iti ili a San Nicolas kadagiti amin a barangay iti nadakamat nga ili.
Daytoy ket paset paylaeng iti Barangay Incentivization Program ti probinsia a naited kadagiti Punong Barangay, treasures ken Barangay Health Emergency Response Teams Wenno BHERTs.
Saan nga agpapada ti naited iti kada barangay depende ti grado gapu ta adda iti naiyetnag a nagibasaran babaen met iti Office of the Barangay Affairs.
Adda ti immawat a 120,000 peso a kangattuan a premyo, 65,000 pesos,60,000 pesos ken 35,000 pesos.
Immunan a napanunutan ti probinsia babaen kenni Gob. Marcos Manotoc ti nasao a programa nga addaan iti gagem a maipaayan iti cash incentives dagiti barbarangay a nakaipababa ti bilang dagiti agsagsagaba iti Covid 19.
Nagyamanan met ti Gobernador dagitoy gapu ta saan a magatgatadan a sakripisio kadagiti barbarangay da kabayatanna iti kangititngitan ti pandemic gubbuay iti covid.
Mamati ti gobernador a babaen iti dakkel a tulong dagiti Punong Barangay,treasures ken Barangay Health Emergency Response Team ket epektibo a nalapdan iti ad adda pay a panagwaras iti virus Covid 19 ditoy ilocos norte.
Ti ‘’Distribution of Assistance to Barangay in Control of COVID-19’’ ket maisayangkat kadagiti amin nga ili ditoy probinsia iti panangidaulo ni Gob. Marcos Manotoc kadua na dagiti opisiales ti probinsia.
(Source: Provincial Government of Ilocos Norte)
