Maisayangkat ti ground breaking ceremony iti pannakaipasdek met laengen ti Provincial Satellite Auditing Office wenno PSAO ti Commission on Audit ditoy Ilocos Norte intono Enero siete ti tawen 2022.
Daytoy ti naammoan manipud ken ni Mr. Gervy James Gumarit, mangidadaulo ti Communications and Media Office kalpasan nga adda ti kiddaw kenkuana nga adda ti maibaon a coverage team para iti nasao nga event”.
Imbatadna a naipanamnama ti panagatendar ni COA Commissioner Roland Pondoc iti daytoy nga aktibidad.
Maipalagip nga adda ti katulagan a nagpinnirmaan ti COA ken ti gobierno probinsial ti Ilocos Norte para iti panangipalubos ti probinsia a mausar ti lote daytoy a masarakan iti Brgy. 3 Nuestra Senora del Rosariop ti siudad ti Laoag a pakaipatakderan ti nasao a pangopisinaan.
Immun-una ngem iti daytoy, naipakaammo a serbian ti maipasdek a pangopisinaan ti COA ti intero a rehion uno.
(Source: Provincial Government of Ilocos Norte)