26.7 C
Manila
Tuesday, May 17, 2022

Batac: Gob. Manotoc, dinayawna ti adun a nagapoanan ti MMSU para iti probinsia

- Advertisement -
Ad Banner 600×60

Nakipaset ni Gob. Matthew Marcos Manotoc iti maysa kadagiti aktibidad iti maika-44 a foundation anniversary ti Mariano Marcos State University.

Visit RPN DZRL Batac

Daytoy ket nupay saan a nakadar-ay ti gobernador iti Teatro Ilocandia a nakaisayangkatan ti convocation para iti State of the University Address ni Dr. Shirley Agrupis a presidente ti unibersidad.

Kinablaawan ti gobernador ti sibubukel nga unibersidad kangrunaanna ken ni Agrupis iti adu a balligi a nagun-udanen ti MMSU babaen iti “Stream Live Video on Line”.

Impadanonna ti napalaus a panagyamanna iti serbisio nga ipapaay ti unibersidad kadagiti kakailian.

Inulitna nga inbunannagna a babaen iti unibersidad ket nagun-ud ti sirmata daydi Pres. Ferdinand Edralin Marcos a lolona a mabalin dagiti kakailian ti agsakdo iti de kalidad nga adal a saanen a kasapulan nga umadayo pay iti probinsia.

Kabayatanna, kinumendaran pay ti gobernador ti MMSU kadagiti naruay a nagapoananna a para iti pagsayaatan ti probinsia kadagiti kallabes a tawen.

Ginutigutna ti unibersidad a mangipaay iti naan-anay nga adal ken panagsanay kadagiti Ilocano ket maipamatmatda ti kadakkel a tulong a maipaayda para iti panagdur-as ti probinsia.

Impatalgedna ti agtultuloy a suportana ken ti sibibukel a gobierno probinsial iti MMSU.

Innayonna a dakkel a pakaidayawanna ti panagbalinna metten a kas maysa nga “stallion”.

(Source: MMSU)

Ad Banner 600×60

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
Ad Banner 320×320

SURVEY QUESTION OF THE WEEK

Kailangan bang may malawak na karanasan at mataas na pinag aralan ang mga tatakbo sa pagka Presidente at Bise Presidente? Oo o Hindi?

Ad Banner 320×60
- Advertisement -

Latest Articles

- Advertisement -