Amin nga ili ken dua a ciudad ditoy Ilocos Norte ket nabenepisyaran ken mabenbenepisyaran iti cash-for-work program ti gobierno probinsial.
Segun ken ni Gob. Mathew Marcos Manotoc, daytoy ket tulong metten ti probinsia kadakuada a naawanan ti pagtrabahuan nangruna ita a panawen ti covid 19 pandemic.
Maipalagip nga iti ili a Pagudpud ti naudi a nagibunungan ti gobernador iti suweldo dagiti nagtrabaho iti cash for program.
Pito pulo ket walo amin dagiti immawat iti sueldo da manipud iti Barangay Pasaleng ken barangay Pancian iti ili a Pagudpud. 1,275.00 pesos ti inawat iti tunggal maysa kasukat ti panagtrabaho da iti uneg ti lima nga aldaw.
Nagtrabaho dagitoy kadagiti bukod da a barangay kas iti panagdalus kadagiti barado a kanal wenno pagayusan iti danum, beautification iti uneg ti barangay ken dadduma pay a mabalin da a trabahuen.
Ti cash for work program ti probinsia ket iyim implementar ti Provincial Environment and Natural Resources Office.
(Source: Provincial Government of Ilocos Norte)