Nangrugin nga agibunong iti ayuda ti Social Welfare and Development Office ti siyudad ti Batac para kadagiti Persons with Disabilities idi laeng kalman aginggana ton Sabado, Disyiembre 18, ita a tawen.
Iti nasao nga aktibidad ket napanaganan ti “Christmas Gift Giving for Persons with Disabilty”. Segun kenni City Social Welfare and Development Officer, Lilibeth Maligsay gapo ta dimteng manen ti paskua ket ikkan da ti ragragsak dagiti 1, 185 PWds beneficiaries ti siyudad ti Batac babaen iti maiburay a food packs nga idanon ti City Government para kenkuada.
Idi laeng kalman naibunong da ti nasurok nga 600 food packs nga ayuda para kadagiti PWDs iti naduma-duma a barangay ti siyudad ti Batac. Dagiti nilaon ti ayuda ket kape, gatas, mug, biscuits ken sanitizing kit.
Daytoy nga aktibidad ket indauluan ni City Mayor Albert Chua ken dagiti City Officials ti siyudad iti Batac.
(Source: City Government Of Batac)