Mamati ni Ilocos Norte Gob. Matthew Marcos Manotoc a dakkel ti maitulong na kadagiti nagtraining iti Technical Education Skills and Development Authority iti carpentry ken masonry dagiti nasursuro da a pagsapol.
Daytoy ket kalpasan a naibunong kadakuada dagiti welding machine ken mansory kits babaen iti gobernador iti mismo a capitol playground.
35 amin dagiti recipients nga immawat kadagiti nasao a kagamitan manipud iti ili a Marcos, Dingras, Paoay, Nueva Era, Vintar ken iti ili a Solsona.
17 dagiti immawat iti welding machine idinto a 18 met dagiti naipaayan iti carpenters kits.
Nagyaman met ti Gobernador iti biang ti TESDA a nakikammayet iti probinsia particular iti PESO Office nga idadaulwan ni Mrs. Lizeth Atuan.
Kangrunaan a dinakamat ken nagyaman ti Gobernador kada Mr. Ruel Dugay ken Mr. Rolando Arellano a nangisuro kadagiti 35 a benepisiario.
Kuna ti gobernador a saan laeng nga idiay ballasiw taaw ti makasapul kadagiti skilled workers no di ket kasapulan pay iti pagilian.
(Source: Provincial Government of Ilocos Norte)
