Umabot iti sanga gasut duapulo ket lima a milyon a pisos ti balor dagiti makinaria anaibunong kadagiti mannalon ti Ilocos Norte manipud iti Rice Competitiveness Enhancement Fund para iti “mechanization program” ti Departamento ti Agrikultura.
Mainaig iti daytoy, impadanon ni Gob. Matthew Marcos Manotoc ti napalaus a panagyamanna iti agtultuloy a suporta nga ipapaay ti DA kadagiti mannalon ditoy probinsia.
Inlawlawagna a babaen kadagiti naruayen a makinaria a naipapaay iti probinsia ket maibilang a napintas ti produksion wenno apit dagiti mannalon.
Imbatadna a basar iti data no maidasig iti kalawa dagiti mamulmulaan a kataltalonan ket umun-una ti Ilocos Norte a kadakkelan ti produksion kadagiti nadumaduma a produkto a pakairamanan ti bawang.
Nupay kasta, inannugot ti gobernador a maud-udi pay laeng dagiti mannalon ditoy probinsia no ti mapagsasaritaan ket ti kadakkel ti mapastrek iti tunggal ektaria.
Impalgakna a kaipapanan daytoy nga adu pay dagiti nasken nga aramiden dagiti mannalon tapno ad adda pay a mapadakkel ti mapastrekda kangrunaanna iti pannakausar dagiti moderno a makinaria.
Pakaseknan daytoy, kuna ni Gob. Manotoc a masapul a ti kangrunaan a gagem dagiti kabinbinnulig ti gobierno probinsial iti benneg ti agrikultura ket ti pannakaipangato ti mapastrek dagiti mannalon iti tunggal ektaria.
Kabayatanna, inpakäammo ni Dr. Baidwin Jaiiorina, Phimech Director IV a käraman kadagiti naibunong a makinaria ti 4 wheeled tractor”, “hand tractor”, “combined harvester”, “direct seeder”, ken “transplanter” Segun kenkuana, dagiti mannalon ti nangsalbar iti saan a panagbisin dagiti umili a Filipino iti panawen ti pandemia rason a maiyannatup a maipaayan dagitoy ti naan-anay a tuiong.
Inpanamnamana a no masiquradoda a napintas ti pannakausar dagiti makinaria ket manayonanto pay dagiti maipaay kadagiti mannalon ditoy probinsia.
Eyona nga arapaap ti DA nga iti masungad a tawen 2022 iti tulong dagiti Local Government Units ket maipaayan manen dagiti mannalon ti “post-harvest facilities kas iti “dryer” ken “rice mill”.
(Source: Department of Agriculture Region I)
