Agdagup iti 1,058 a senior citizens iti Munisipio ti Badoc ti nakaawat iti social pensionda kabayatan ti payout. Agdagup iti 867 a senior citizens ti nakaawat iti pension babaen ti Social Pension Program ti gobierno nasional para kadagiti Indigent Senior Citizens, idinto a 191 a benepisiario ti nakaawat iti tulong manipud iti Gobierno Munisipal ti Badoc. Timmabuno ni Mayor Virgilio M. Calajate iti distribution ken personal a nakipagkita kadagiti benepisiario. Pinasingkedanna manen ti panagkumit ti Gobierno Munisipal a mangipaay kadagiti programa ken serbisio a mangsuporta iti pagsayaatan dagiti senior citizens ti Badoc. Ti pannakaiwaras ket indauluan ti Municipal Social Welfare and Development Office (MSWDO), iti pannakitinnulong ti Department of Social Welfare and Development (DSWD) para kadagiti benepisiario. Agtultuloy ti pannakipagtrabaho ti Gobierno Munisipal iti gobierno nasional ken dagiti partner agencies tapno masigurado nga umawat dagiti senior citizens ti tulong a kasapulan da. By: Niña Tabilos