Arestado sa mga personahe sa Burgos Municipal Police Station ang aroganteng Romanian national samtang sila mipahigayon ug checkpoint sa National Highway, Brgy. Bitaug, Burgos, Surigao del Norte niadtong Martes, Mayo 5 sa may alas 3:00 sa kahapunon.
Naila ang Romanian national nga mao si ROXANA DURESCO, 34 anyos, dalaga, Product Manager ug kasamtangang nagpuyo sa Brgy. Pob. 5, General Luna, Surigao del Norte.
Nasayran sa gihimong imbestigasyon, nga nagmaniho ang maong langyaw sa Honda beat nga motorsiklo, ug dihang gipangitaan kini sa checkpoint ug bisan unsa nga dokumento mahitungod sa Travel pass ug bisan sa Driver’s license, ang napakyas kini sa pagpakita ug nasuko ug arogante sa iyang nilihukan.
Ang maong Romanian national ang gidala sa Burgos MPS. (Jun Prex Salubre, Ronda 6 RPN DXKS)
Â
