Sumala pa ni Ms. Hyde Villalba, Acting City Agriculturist na gikan ini sa sektor sa mga mag-uuma sanan mangingisda na ila pagpasalamat ngadto sa mga frontliners sa padajon na pakigbatok sa COVID-19.
Mga nagka-lain-laing prutas, bugas, mga gulay, lamas, isda ug itlog an tag-apud-apud ngadto sa mga health workers na naghago para mapugngan an pagkuyanap nan Covid dinhi sa syudad. Ang mga produkto-agrikultural hinatag-kinasingkasing gikan sa kapunungan sa mga mag-uuma ug mangingisda dinhi sa syudad nan Surigao.
Si City Mayor Ernesto “Estong” Matugas Jr. ug mga konsehales mapasalamaton sa mga asosasyon sa mga mag-uuma ug mangingisda sa ila hugot na suporta sa mga programa nan syudad.
An kalihukan gitawag na “Konting Handog Pasalamat ng Lokal na Magsasaka at Mangigisda sa mga COVID 19 Frontliners ng Surigao City” sa konsepto na “Save A Meal” para sa kaigsoonang frontliners.
Kinasingkasing sab nagpasalamat si Ms. Villalba sa mga kaigsoonang mag-uuma ug mangigisda sa dakbayan tungod kay matud pa nija wayay pagkaon sa syudad kun ini sila mismo dili mag-ani.
Sa kataposan, ija gi awhag an tanan Surigaonon sa paghatag ug importansya sa pagkaon nan mga mga masustansya ug pagtanom nan food crops para an tanan makatagamtam ug himsog na panglawas. (People’s Information Service/Shela Salar/RPN DXKS)
