Bahagyang bumaba ang nakuhang trust rating ni Pangulong Rodrigo Duterte para sa nakalipas na buwan ng Setyembre.
Ito ay batay sa pinakahuling survey ng pulse asia, kung saan pumalo sa 78% ang approval rate ng Pangulo, kumpara sa naitalang 85% nitong buwan ng Hulyo.
TINGNAN: Approval rating ni Pangulong Rodrigo Duterte, bumaba sa 78% nitong Setyembre; mas mababa kumpara sa naitalang 85% noong Hunyo —Pulse Asia survey pic.twitter.com/zXbhypcrZd
— DWIZ Newscenter (@dwiz882) October 7, 2019
Gayunman, nangangahulugan pa rin naman ito na walo sa 10 mga Pilipino ang kampante o tiwala pa rin sa Pangulo.
Kaugnay nito, nakakuha naman si Vice President Leni Robredo ng 55% na approval rating, habang nasa 72% naman ang rating ni Senate President Vicente Sotto III, at 64% naman ang kay House Speaker Alan Peter Cayetano.
Ang nasabing survey ay isinagawa mula Setyembre 16 hanggang 22, sa 1,200 indibidwal edad 18 pataas.
