Alumni homecoming ng PMA posibleng iurong dahil sa nCoV

Magpupulong ngayong araw ang mga pamunuan ng Philippine Military Academy, Baguio City Government at Philipine Military Academy Alumni Association Inc. (PMAAI).

Ito ay upang talakayin ang posibilidad ng pag-urong sa petsa ng taunang alumni homecoming ng PMA dahil sa banta ng 2019 novel coronavirus ( nCoV).

Ayon kay Defense Secretary Delfin Lorenzana, layunin ng pulong na makapagkasa ng mga hakbang laban sa nabanggit na virus.

Lalu na’t bantad aniya sa nCoV ang Baguio City dahil sa malamig na temperatura doon.

Inaasahan namang ilalatag ni Baguio City Mayor Benjamin Magalong sa nabanggit na pulong ang kanyang mga rekomendasyon at ipinatutupad na nilang mga hakbangin kontra sa nCoV—ulat mula kay Jaymark Dagala (Patrol 9).