Pinakilos na ni PNP Chief Police General Oscar Albayalde ang PNP Directorate for Investigation and Detective Management para isulong ang kasong administratibo laban sa mga tinaguriang ‘ninja cops’.
Inatasan rin ni Albayalde ang grupo na makipag-ugnayan sa PNP Internal Affairs para sa dismissal proceedings kung kinakailangan.
Ang tinutukoy ng PNP Chief ay ang 13 pulis na sangkot sa 2013 raid sa Pampanga kung saan itinago di umano nila ang mahigit sa 160kgs. ng shabu na nakumpiska sa raid.
Nais rin ni Albayalde na tiyakin na walang sinuman sa mga akusadong pulis ang makakalabas ng bansa at makakadalo sa lahat ng ipatatawag na pagdinig, kabilang ang pagbubukas ng imbestigasyon sa kaso ng Department of Justice.
“No stone will be left unturned (…), I’m serving notice to all PNP units and personnel to fully cooperate with the Department of Justice for the re-opening or review of the case as well as the inquiry by the different PNP investigating bodies, making available all necessary records that will be required including testimonies of personnel,” ani Albayalde. — ulat mula kay Jaymark Dagala (Patrol 9)
