Dapat na mag-ingat ang pamahalaan sa nilagdaang kasunduan sa Russia sa posibleng konstruksyon ng nuclear plant sa bansa.
Ayon kay Senator Sherwin Gatchalian, sobrang delikado ang nuclear power plant kaya’t dapat tiyakin ng pamahalaan na sapat ang kahandaan ng pamahalaan kagaya na lamang ng nuclear power plant safety.
Dagdag pa nito, kulang pa ang Pilipinas sa batas para ma-ipromote ang nuclear power plant.
Matatandaang, pumalo sa $12. 57-M o katumbas ng P650-M ang nilagdaang kasunduan ng Pilipinas at Russia kung saan kabilang ang kasuduan sa posibleng konstruksiyon at exploration ng nuclear power plant sa bansa.
Una rito, sinabi naman ni Pang. Duterte na ikokonsulta muna niya sa gabinete at sa kongreso ang mga nilagdaang kasunduan sa Russia. — ulat mula kay Cely Ortega-Bueno (Patrol 19)