Agarang pag apruba sa pagbuo ng Department of Disaster Resilience siniguro ni Romualdez

Siniguro ni House Majority Leader Martin Romualdez ang agarang pag apruba ng kamara sa panukalang pagbuo ng Department of Disaster Resilience (DDR).

Kung mabubuo ang naturang departamento, mas mababawasan aniya ang epekto ng kalamidad sa bansa.

Garantiya ring magiging mas maayos ang koordinasyon ng mga ahensya para madaling maibigay ang mga tulong sa mga lugar na nasalanta.

Samantala, iginiit naman ni Batangas Representative Reneo Abu ang agarang pagpasa para sa mas mabilis na responde sa tuwing may kalamidad na tatama sa bansa. — ulat mula kay Jill Resontoc (Patrol 7)