Nakadawat ug tawag ang mga personahi sa Dapitan City Police Station mga pasado alas siete sa kagabhion kaniadtong Lunes, Pebrero 10 ning kasamtangang tuig nga ang maong mitaho, nasigpatana ng top 1 MWP alang sa lungsod sa Liloy didto sa Brgy. Sta. Cruz, Dapitan City.
Gilayon nga ang kapulisan sa dakbayan sa Dapitan mipahigayon ug operasyon batok na sa maong wanted person nga miresulta sa malampusong pagkasikop niini. Ang arestado giiliang si Macario Balucan Angay alyas “Titing”, 60 anyos, minyu, ug lumulupyo sa Brgy. Lanao, Liloy, Zamboanga del Norte nga kasamtangang lumulupyo usab sa Brgy. Aliguay, Dapitan City.
Sa pagsuta pa lamang sa maong tawo pinaagi sa telepono, nahibal-ang ang suspetsado ana sa Top 1 Most Wanted Person sa Lungso sa Liloy.
Si Angay naaresto pinaagi sa warrant of arrest nga giluwatan ni Acting Presiding Judge Anthony D.T. Isaw sa RTC, 9th Judicial Region, Br 28, Liloy, Zamboanga del Norte pinetsahan kaniadtong Septyembre 23, 2019 alang na sa salaud nga 5 kaihap sa pagpanglugos kun 5 counts Rape nga walay gikarekomendang pyansa alang sa iyang temporaryong kagawasan.
Ang arestado anaa na karon sa kustodiya sa Dapitan City Police Station alang sa tukmang kabutangan niini sa bilanggoan.
