CAGAYAN DE ORO CITY- Samtang ang Department of Health-Northern Mindanao padayon nga nakigbisog sa makapatay nga coronavirus disease, gipahibalo usab ni Dr. Adriano Suba-an ang Regional Director nagpabilin gihapon silang naghatag importansya sa mga notifiable disease.
Sukod sa bulan sa Enero hangtud May ning tuiga, adunay 3,632 na ka mga natala nga kaso sa dengue sa region 10. Moabot usab sa 2,736 ang kaso sa influenza-like illness; 664 ka kaso sa typhoid fever, 396 ka kaso sa measles ug 291 ka kaso sa acute bloody diarrhea.
Ang nasangpit nga mga sakit gikonsidera nga naa sa Top 5 nga gimonitor sa opisina sa DOH.
Tungod niini, padayon nga nanawaga si Dr. Suba-an ngadto sa ilang mga kabataan. Padayon ang pagpatuman sa 5S nga mao ang search and destroy mosquito breeding sites; self-protection like using of insect repellents;
Seek early consultation sa pinakaduol nga health care facility; support fogging, spraying and misting in hot spot areas ug sustain hydration.
Ang mga health centers sa rehiyon kanunay bukas paghatag serbisyo sama sa konsultasyon, immunization, family planning, pre-natal services ug uban pa.
