CAGAYAN DE ORO CITY- Moabot 26 ka mga barangay chairmen sa Cagayan de Oro ang milagda sa usa ka petition nga nagsuporta sa panawagan alang sa deklarasyon sa enhanced community quarantine (ECQ) sa syudad aron kapugngan ang pagkuyanap sa coronavirus disease. Gawas sa mga punong barangay, ang mga residente usab sa 26 ka mga barangays ang milagda usab sa maong petition nga ilang gisubmiter sa opisina ni Mayor Oscar Moreno niadtong Abril 28.
Matud pa sa maong grupo, sila nagsuporta sa panawagan sa grupo sa mga doctor nga nanawagan usab sa susamang katuyuan samtang ilang gisuportahan ang kanunay nga pagpanghugas sa kamot, pagtaod sa facemask, social distancing ug uban pa. Sila usab miuyon sa panawagan sa mga residente nga mag “stay at home”aron kalikayan nga ma-infect samtang nanawagan sila sa lokal nga kagamhanan sa paghatag assistance sa ilang matag adlaw gna pagkaon pinaagi sa approved 300 million pesos nga annual calamity fund ug ang lain pang 500-million pesos nga Covid-19 supplemental budget.
Dugang pa niini, nanawagan usab ang grupo sa pagsugod na sa mass testing dili lamang alang sa gi-categorized nga mga suspects o probable apan apil na ang tanang frontliners ug kadtong wala man tuoy mga symptoms apan na expose sa mga Covid patients.
Apan kini nga petition gitawag ni Mayor Moreno nga politically-motivated ug usa ka lakang nga kinaraan.
Ang mga kapitan nga milagda sa maong petition mao kining mosunod: PB Maximo Rodriguez (Nazareth); PB Anthony Abejuela (Barangay 1), PB Aaron Neri (Macasandig): PB Ian Achas (Puerto); PB Julito Ogsimer (Lapasan); PB Norbel Saa (Macabalan); PB Pedro Balite (Kauswagan); PB Eddie Abrogar (Bayabas); PB Allan Mabalacad (Bonbon); PB Edwin Micabani (Balulang); PB Alexander Ligtas (Consolacion); PB Lucilo Legaspi, Sr (Barangay 15); PB Reymar Englis (Barangay 5); PB Amencito Jusay (Barangay 16); PB Joniber Acierto (Barangay 26); PB Diosdato Wabe (Barangay 31); PB Eddie Laguna (Barangay 36); PB Conrad Lim (Barangay 33); PB Al Legaspi (Bulua); PB Mercedario Lagudas (Barangay 2); PB Felipe Amparo (Barangay 12); PB Mario Balzarsa (Barangay 23); PB Jasmine Zaballero (Barangay 30); PB Eddie Estoque (Barangay 38); PB Morito Yee (Barangay 34) ug PB Fernando Edrolin (Barangay San Simon).