26 anyos naghikog

CAGAYAN DE ORO CITY – Depression ang gipasanginlan sa paghikog sa usa ka lalaki, 26 anyos ang panuigon nga taga barangay Bobuntugan, lungsod sa Jasaan sa probinsya sa Misamis Oriental.

Patay si Jimmy Valdon kinsa migamit sa pisi nga gihikot sa iyang liog aron paghunos sa iyang kinabuhi. Sa dihang maabtan kini sa iyang pamilya nga mihimo sa ingon gidala dayon kini sa Jasaan Community Hospital apan dead on arrival na paghidangat niini, matud pa ni Dr. Nachito Baylon.

Matud pa sa pamilya adunay gihambin nga problema ang namatay nga wa na nila gedetalye pa.

Ang patay nga lawas ni Valdon anaa karon gipahimutang sa Quilisadio Funeral Homes sa Kimaya, Jasaan.