Cagayan de Oro City – Himuon ang duha ka adlaw nga dry run alang sa pagdawat sa mga mobisita sa private ug public cemetery dinhi sa dakbayan sa Cagayan de Oro. Kini himuon sa Oktubre 18 ug 19 dugtong sa pagsaulog sa tinuig nga All Saints Day ug All Souls Day nga pagbalaan, sumala pa sa City Environment and Natural Resource Office o CLENRO.
Sa sunod semana, adlaw nga Martes Oktubre 13, magtigom usab ang mga tagdumala sa mga menteryo ug memorial parks aron sa pagfinalize sa mga gabay ug procedures sa pagdawat sa mga bisita sa maong mga panahon subay sa regulasyon nga gitakda sa Inter-Agency Task Force, matud pa ni CENRO Chief Engr. Armen Cuenca atol sa usa ka press briefing.
Kahibaloan nga si President Rodrigo Duterte mipagula sa kamanduan nga sirhan ang mga public ug private cemeteries gikan Oktubre 29 hangtud Nobyembre 9. Ang katawhan gimanduan usab sa pagschedule sa lang pagbisita sa mga sam-ang ug kinahanglan mo-comply sa minimum health protocols aron kapungan ang pagdasok sa mga tawo dugtong ning nagapadayon nga COVID-19 pandemic.
Kabahin sa barangay exit pass nga gi-issue sa matag pamilya, sumala pa ni Engr. Cuenca nga matag pamilya kinahanglan taglima lang ang makabisita sa lubnganan sa mahal nila sa kinabuhi, ang uban magpaabot na lang sa ilang sakyanan. Matag lima lamang kada pamilya ang ilang tugtan aron pagseguro nga matuman ang social distancing. (City Information Office)