30 C
Manila
Friday, March 29, 2024

Good Practices Sa Community Contact Tracing System Sa Sarangani Province Giila Sa LGU Koronadal

- Advertisement -

Gipangunahan ni Atty. Rene Jumila, ang city administrator sa syudad sa Koronadal sakop sa probinsya sa South Cotabato, ang pagbisita bag-uhay lang sulod sa Kapitolyo sa Sarangani alang sa gipahigayon nga benchmarking makutluan og mga maayong pagtulun-an ang good practices nga gipatuman sa aktwal nga contact tracing system sa mga komunidad sa Sarangani Province.

Mismong si Governor Steve Chiongbian Solon ang niabi-abi kanila. Anaa usab sila Provincial Health Officer Doctor Arvin Alejandro, Assistant Provincial Administrator for Operation Engineer Gerald Faciol ug ang labaw sa Sarangani Provincial Contact Tracing Support Team gituboy ni PNP Sarangani Provincial Director Col. Michael Lebanan nga si Police Lt. Col. Neil Wadingan.

Sa nakalabay nga mga bulan, didto usab ang team sa Sarangani sa City Hall sa Koronadal aron kakuhaan og mga maayong ideya ang automated contact tracing nga gipatuman ni Mayor Eliordo Ogena.

Segun ni Koronadal City Administrator Jumilla, maayo matud pa ang pag-implementa sa contact tracing sa Sarangani Province. Nakadayig usab kini sa pagka-proactive ni Governor Solon ug sa mga inisyatibo ug programa nga nakanaog ug nabatyagan sa mga kabarangayan. Usa ka region lang ang Koronadal City ug Sarangani ug angay magtinabangay matud pa aron hiniusa ang mga kalihukan sa pagpakgang sa COVID-19.

Una ng gimando ni Governor Solon, sa rekomendasyon sa provincial task force ug sa suporta nila Senador Manny ug Congressman Ruel Pacquiao, Vice Governor Elmer De Peralta, mga board member ug sa tanang pito (7) ka maabtikon nga mayor, nga dili muubos walo (8) ka cluster contact tracing team ang dapat ma-organisa sa matag munisipyo sa Sarangani Province aron dili mawad-an sa pwersa ug kabaskog ang grupo simbako magdunganay ang pagtakdanay.

Sa bahin ni Doctor Alejandro, gibutyag niini nga usa matud pa sa labing importante sa tracing program sa Sarangani mao ang pagpanguna sa kapulisan. Trained matud pa ang PNP sa pag-imbestiga ikumpara sa mga health personnel maong lauman nga daghang impormasyon ang makuha inig utingkay kung kinsa ang mga close contact sa nag-positibo.

Dapat usab matud pa kumpleto ang komposisyon ug ang logistic support sa epidemiology and surveillance unit gidumalahan isip team leader sa municipal health officer, disease surveillance officer, med tech kon medical technologist ug encoder. Ang report sa epidemiology and surveillance unit ang gikinahanglan paspas mahatag.

Matud pa ni Doctor Alejandro, gikinahanglan nga mupailalum sa RT-PCR test ang tanang primary contact sa nag-positibo aron masiguro nga walay carrier sa virus. Dili usab ibutang sa home quarantine ang primary contact bisan wala pa kini sintomas.

Labaw sa tanan, gikinahanglan matud pa ang leadership sa mga lideres sa LGU aron hiniusa ug sakto ang paghatag sa mga direktiba, sa pagpangaliya usab sa Ginoo nga maoy tuburan sa malungtaron nga proteksyon sa katawhan.

Sa talaan sa Department of Health sa Rehiyon Dose kagabii Oktubre 8, napulo (10) ang nagpabiling active cases sa Sarangani Province, pinakaubos kini nga active cases sa entiro Region 12, apan wala gihapoy magkumpyansa.

Ginahan-ay na lang karon ang pagatukuron sa DPWH nga 100-bed capacity isolation facility sa Sarangani muabag kini sa mga municipal ug barangay quarantine and isolation facility ug mga municipal hospital, apil na sa Sarangani Provincial Hospital nga nagsilbi nga provincial COVID-19 isolation center. Gina-atangan pud ang ipatindog nga molecular laboratory. (Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -